Aktîvîstanê Partîzanî Zurih de seba paştdayîşê Amedsporî verê FÎFA de çalakîye serûber kerde.

Aktîvîstanê Partîzanî pankarto ke serê ci de tirkî û almankî “Amedspor têna nîyo” nuştebî daliqna û eşkerayîya winayêne kerde:

“Amedspor wextê ronayîşê xo ra raştê hêrişanê nîjadperestan yeno. Na netîceya polîtîkaya qirkere ya dewleta tirk a faşîst a ke vera kurdan yena rayraberdene. Kulubê sporî yê nîjadperestî pîya bi wezîfedaranê dewlete hêriş kerd ke rojdemê welatî bibedilnê. Wa hêrişkarî bizanê ke do înan rê zî ‘Silamê Kemalê Lazî’ bêrê.

Federasyonê Futbolî yê Tirkîya seba ke paştgêranê Beşîktaşî semedê mexdûranê erdlerzî pêkaykerdoxî eştê saha, ceza daye ci la destûr da ke madeyê tehlukeyinî yê ke vera Amedsporî şuxulyayî debikewê saha. Eynî wextî de ma Yewîya Federasyonanê Futbolî yê Mîyanneteweyî (FÎFA) pratîkê Katarî de mojna ke ê çîyanê winayênan rê çimanê xo genê. FÎFAya ke  Katar de heme çîyê vera nîjadperestîye qedexe kerd, vera hêrişê vera Amedsporî zî bêveng a.”