Perwîn Yûsife ard ziwan ke Hêrêma Cizîrî ra kampanya qedîyaya û heta nika 800 hezarî ra zafêr îmzeyî ameyê arêdayene. Perwîne dîyar kerd ke şarê Vakur û Rojhelatî nê îmzeyî xo sey wezîfeyêkî dîyî û vat, ‘‘Şarê Vakur û Rojhelatî bi felsefeya Rayber Apoyî pîl benê û na felsefe qebul kenê. Bi serran o ke seba azadîya fîzîke ya Rayber Apoyî waran ra yê. Înan ra yew kampanyaya îmzeyan a. Na kampanya waştişê heme şaran bîye. Bi beşdarbîyayîşê heme sazgeh, rêxistin û partîyanê sîyasî her kesan îmze daye. Nê îmzeyî do CPTyî rê bêrê erşawitene. Şar wazeno ke wa goreyê qeyde û qanûnan têbigêrê. Goreyê wezîfe û berpirsîyarîyanê xo gere rastîye eşkera bikerê. Gere ma bi raya têkoşînî tecrîdî bişiknê. Dem demê azadîya fîzîkî ya Rayberê ma ya.”

Her zerrîwazî ra îmze arê dîyaye

Perwîn Yûsife ard ziwan ke ê wazenê kampanya bi hewayêkê serkewteyî biqedênê û vat, ‘‘Seba kampanya her bajarî ra komîteyî ameyê awankerdene û bi paştîdayîşê komun û meclîsan kampanya ameye rayberdene. Herêma Cizîrî ra kampanya qedîyaye, la herêmanê Firat û Şehba ra dewam kena.’’

Şarê ma bi eşqêkê xurtî beşdar bî

Perwîn Yûsife dîyar kerd ke kampanya ra dima ê do cewabê CPTyî taqîb bikerê û dîyar kerd, ‘‘Barê ma her roje hîna giran beno. Beşdarbîyayîşê şarê ma yê kampanya bi hewayêkê xurtî bî. Bi eşqêkê xurtî şar beşdarê kampanya bî. Şarê ma girêdayîya xo ya Rayber Apoyî bi na kampanya reyna nîşan da. Şarê ma paweyê cewabê CPTyî yo. Ma do taqîb bikerê û bê mabên têkoşîn bikerê.’’