Pîrozkerdişê Newroza Çewlîg, Êlih û qezaya Amedî ya Bismilî rê destur vejîya.

ÊLIH

Komîteya Amadekar ya Newroza Êlihî seba pîrozkerdişê Newroza emreserrî bi siloganê ‘Dem demê serkewtişî yo’ yena pêşwazîkerdene, muracatê walîtîye kerdbî. Walîtîye destur da ke Newroza Êlihî bêra pîrozkerdiş. Newroza Êlihî do saet 10.00î de taxa Pazaryerîyî de bêra pêrozkerdiş. Verfeka Meclîsê Cinîyan ya Partîya Demokratîke ya Şaran (HDP) Ayşe Acar Başaran, Hemkarê Hemserekanê Pêroyî yê HDPyî û Parlementerê Amedî Garo Paylan û Serekê Partîya Demokratîke ya Kurdîstanî (KDP-Bakur) Sertaç Bucak do sey qiseykerdox tewrê Newroze bibî. Hunermed Servet Kocakkaya, Şîlan Dora û Karmete do Newroze de vejîyê sahne.

ÇEWLÎG

Muracato ke seba pîrozkerdişê Newroza merkezê Çewlîgî û Bismilî ame kerdene rê zî cewabêko erenî dîya. Caddeya Nêweşxaneyî ke kewena taxa Sarayî de do 20ê adare de merkezê Çewlîgî de Newroz bêra pîrozkerdiş. Parlementerê HDPyî Erdal Aydemîr û Nîmetullah Erdogmuş do sey qiseykerdox tewrê Newroze bibî. Hunermend Hîvda Goksel û Nurcan Degîrmencî do bivejîyî sahne.

BISMIL

Qezaya Amedî ya Bismilî de zî do saet 10.00î de kişta otogarî de Newroz bêra pîrozkerdiş.