Îtalya de bi hezaran kesî aktîvîteya Radio Onda d’Urtoyî de seba azadîya Serekê PKKyî Abdullah Ocalanî ameyî têhet.

Aktîvîteya ‘Wextê Hêvîye’ hetê Buroyê Enformasyonî yê Kurdistanî yê Îtalya ra bajarêkê Buffolora yê şaristanê Brescia de ameye kerdene. Aktîvîte de bi hezaran merdiman rê derheqê meseleya kurdan û tecrîdê vera Abdullah Ocalanî de agahîyî ameyî dayene.

Xeyma aktîvîte de nuştoxê xêzeromanê ‘Wextê Hêvîye’ û kitabê serê Şingalî Zero Calcare, nuştoxê kitabê ‘Teyna koyî’ Chiara Crucciati û Rojbîn Bêrîtane bîyî meyman. Nuştoxan beşdaranê aktîvîte de sohbet kerd.

Dima koma muzîke ya namdare Gli Ultima vejîyaye sehne ser.

Berpirsîyarê Buroyê Enformasyonê Kurdistanî yê Îtalya Yilmaz Orkanî aktîvîte de ard ziwan ke Rayberê Şarê Kurdî ra xeberêke nêna girewtene û venga dostanê kurdan ê îtalyanijan da ke wa seba azadîya Abdullah Ocalanî têkoşîn bikerê.

Nuştox Zero Calcareyî pawitoxnameyanê Ocalanî ra çend beşî wendî û vat: “Ganî Ocalan hînî azad bibo. Ganî ma paştî bidê têkoşînê şarê kurdî.”

Qiseykerdişan ra dima Koma Punkreas, OUNK û Gli Ultima vejîyayî sehne ser.