Şarê Şingalî vera hêrişanê îşxalî yê dewleta tirke çalakîyêke kerde û wayîrê erdê xo vejîya.

Hêrişê dewleta tirke ya îşxalkere yê vera Şingalî bêmabên dewam kenê. Vizêr netîceya hêrişê dewleta tirke de kesêk şehîd bî û cinîyêke zî dirbetin bîye. Vengdayîşê Meclîsê Şarî yê Şingalî ser o ewro vera hêrişî çalakîyêka rayraşîyayîşî ameye kerdene.

Çalakîye de girseyî tim sloganê ‘qesas’ vat. Nameyê Îdareyê Xoserî yê Şingalî ser o Hetkarê Hemserekîya Heyetê Rayberdişî Dexil Îbrahîmî qisey kerd û ard ziwan ke dewleta tirke wazena pê nê hêrişan êzidîyan aciz bikera û bida koçkerdene. Îbrahîmî îfade kerd ke ê do Şingalî ra fek vera medê. Îbrahîmî vat: “Ma do heta peynî wayîrê erdê xo vejîyê û plananê koçkerdişî pûç bikerê.”