Înîsîyatîfê Şarê Cizîre Girkê Legê de seba paştdayîşê çalakîya zîndananê Tirkîya dest pê grevê vêşanîye yê 2 rojan kerdbî. Grev bi eşkerayîyêke qedîya.
Tepişteyê dewaya PKK û PAJKî 27ê teşrîna peyêne ra nata zîndananê Tirkîya de vera tecrîdê Îmraliyî û seba çareserîya meseleya kurdan grevê vêşanîye kenê. Înîsîyatîfê Şarê Cizîre, Girkê Legê de seba paştdayîşê na çalakîye bi şîarê ‘Ma xoverdayîşê tepişteyan selam kenê’ grevê vêşanîye yê 2 rojan dabî destpêkerdene.
Înîsîyatîfê Şarê Cizîre Girkê Legê de grevê vêşanîye yê di rojan vizêr bi eşkerayîyêke qedîna. Temsîlkarê rêxistin û partîyanê sîyasîyan zî tede 100 kesî tewrê çalakîye bîyî.
Eşkerayîye ra ver Endama Keyeyanê Şehîdan Xeznê Temo, Endamê Yewîya Roşnvîran a Herêma Cizîre Biradost Mîtanî û Endama Kongreya Starî Fatma Remedane qisey kerd. Înan pare kerd ke heta ke Serekê PKKyî Abdullah Ocalan azad bibo ê do têkoşînê xo rê dewam bikerê.
Endamê PYDyî Fener Silêmanî eşkerayîye wende. Eşkerayîye de wina ame vatene: “Hêrişê qirkerdişî û tecrîdê vera Rayber Apoyî do nêeşkê verê xoverdayîşê ma bigêro. Ma venga CPTyî û rêxistinanê mîyanneteweyîyan danê ke wa seba azadîya Rayber Apoyî têbigêrê.”
Înîsîyatîfê Şarî Girkê Legê ra dima Til Hemis de grevê vêşanîye yê di rojan do bido destpêkerdene.
