Şandeyeke HDP’ê bi mebesta nirxandina pêvajoya hilbijartinê çû serdana Hevserokê Giştî yê HDP’ê yê berê Selahattîn Demîrtaş ku li Girtîgeha Tîpa F a Edîrneyê tê ragirtin
Şandeyeke ji Partiya Demokratîk a Gelan (HDP) çû serdana Hevserokê Giştî yê HDP’ê yê berê Selahattîn Demîrtaş ku li Girtîgeha Tîpa F a Edîrneyê tê ragirtin. Hat ragihandin ku di hevdîtinê de hatiye gotin ku Demîrtaş ji ber rewşa xwe ya hiqûqî nikare bibe namzet û dê piştgiriyê bide xebatên ji bo namzetê ku partî hildibijêre.
Demirtaş dê piştgirî bide namzetê Tifaqa Ked û Azadiyê
Demîrtaş di hevdîtinê de da zanîn ku namzetê tê diyarkirin namzetê Tifaqa Ked û Azadiyê ye û dê piştgiriyê bide. Her wiha Demîrtaş diyar kir ku bibiryare kampanya û xebatên hilbijartinê yên partiyê bi awayekî herî berhemdar bimeşîne. Şandeya HDP’ê jî destnîşan kir ku dê xebatên hevpar bi xwe re serkeftinê bîne.
