Hemserekê Pêroyî yê HDPyî Mîthat Sancaro ke Nîsêbînî de qisey kerd, wina vat: “Seba ke welat zilm, sorî û şelênayîşî ra xelas bibo, ma hewl bidî Tîfaqê Demokrasîye ya tewr hîra awan bikerî. Bêrêne êa pîya rara şêrî û no sîstemo zalim bibedelnî.”
Rêxistina Partîya Demokratîke ya Şaran (HDP) ya Nisêbînî bi siloganê ‘Dema Azadîye’ 4. Kongreya xo ya Asayî viraşte. Kongreyo ke salona vêyveyî de ame viraştiş de bi xeylê ziwanan pankartê ‘Dema Azadîye’ ame daliqnayîş. Seba ke salona veyveyî debi xeylê kesî teber de mendî. Salone de deyîrê HDPyî ameyî vatiş, welatî govend çarnayî û bi zerre dekewtişê Hemserekê Kongreya Komela Demokratîke (KCD), Hemserekê Pêroyî yê HDPyî Mîthat Sancarî û parlementerê partîye şarî de coşêko zêde virazîya.” MÊRDÎN
