Salek û 6 meh ceza dan rojnameger Mahmût Altintaş

26 SIBAT 2025 - 11:28

Bi hinceta ‘propagandaya rêxistinê’ kiriye salek û 6 meh û 20 roj cezayê hepse dan nûçegihanê Ajansa Welat Mahmût Altintaş.

Nûçegihanê Ajansa Welat Mahmût Altintaş ji ber ku nûçeyên xwe li ser medyaya dîjîtal parvekiribû di 27ê Çileya 2024an de li Semsûrê hat binçavkirin û bi hinceta, ‘propagandaya rêxistinê’ kiriyê doz li wî hat vêkirin.

Yekemîn danîşîna nûçegihanê me li 2yemîn Dadgeha Cezayê Giran a Semsûrê hat dîtin. Mahmût Altintaş li 1emîn Dadgeha Cezayê Giran a Edliyeya Cizîrê bi rêya SEGBÎSê beşdarî danişînê bû. Parêzerên Altintaş Dîlan Guler û Zelal Demîray jî li Edliyeya Semsûrê amade bûn.

Daneşîn bi tespîtkirina nasnameyan dest pê kir. Di destpêkê de nûçegihanê me Mahmût Altintaş parastina xwe kir û got ku parvekirinên wî di çerçoveya xebatên rojnamegeriyê de hatine kirin û tiştên ku kiriye ne sûc e. Mahmût Altintaş destnîşan kir ku parvekirina nûçeyan li ser medyaya dîjîtal, azadiya remanê ye.

Her wiha li ser hevpeyvîneke Mahmût Altintaş ku di komputira wî ya desteserkirî de hebû jî pirs lekirin û ew hevpeyvîn weke propagandaya rêxistinê nîşan dan. Mahmût Altintaş jî li ser pirsê got ku ji ber ew nûçegihanê dikarê bi her keseke/î re hevpeyv bike.

Piştrê jî parêzera Altintaş Dîlan Guler parastin kir. Parêzer Dîlan Guler jî bi lêv kir ku bingeha hiqûqî ya îdanameya hatiyê amade kirin tuneyê û got ku parvekirinên Mahmût Altintaş ne propagandaya rêxistinê ne, xebatên rojnamegeriyê ne. Herwiha Dîlan Guler diyar kir ku çêkirina nûçeyan, parvekirin û rêxnekirin li gor qanûnên dewletê jî ne suc e û daxwaza beraatê kir.

Parezer Zelal Demîray jî parastin kir. Zelal Demîray bi lêv kir ku li gor zagonên navneteweyî û mekazagona Tirkiyeyê parvekirinên Mahmût Altintaş di çerçoveya azadiya ramanan û rojnamegeriyê de ye û daxwaza beraatê kir.

Piştî parastinan serdozger daxwaza dayina ceza kir. Li ser îtîrazan şandeya dadgehê navber da danişînê.

Piştî navberê şandeya dadgehê salek û 6 meh û 20 rojan ceza li Mahmût Altintaş birî û biryar da ku ceza bê taloq kirin.

Naveroka berê

Li Stenbolê 15 kes hatin binçavkirin

Naveroka ya piştî vê

DEM Partiyê ji bo hevdîtina sêyemîn serlêdan kir

Gösterilecek bir içerik yok

Komel aştîye, îqtîdar şer wazeno

Çarçewayê Dêsanê Bêvengan

Komplo pûç bî

Zîhnîyetê tirkan nêbedilîyo û zîhnîyetê seseran dewam keno

Salek û 6 meh ceza dan rojnameger Mahmût Altintaş

Salek û 6 meh ceza dan rojnameger Mahmût Altintaş

Rojnameya Heftane

Kûnye

Beşên Din

Yên Din