Nuştoxo dêrsimij Emîralî Yagan memleketê ci Dêrsim de ame definkerdene.
Nuştox û şaîro dêrsimij Emîralî Yagano ke paytextê Fransa Parîs de şî heqîya xo, vizêr memleketê ci Dêrsim de ame definkerdene.
Semedê Yaganî dewa Demirkapi de merasîmê cenaza ame kerdene. Pîya bi merdimanê Yaganî temsîlkarê rêxistinanê sîvîlan û partîyanê sîyasîyan ê bajarî tewrê merasîmî bîyî. Cenazaya Yaganî goristanê dewe de ameye definkerdene.
Yagan 1958 de Dêrsim de maya xo ra bîyo, Enstîtuyê Perwerdeyî yê Anqara û Unîversîteyê Parîsî de wend. Yagan prosesê Derbeya 1980î de amebî pêgirowtene û şîîrê ke Zîndanê Mamakî de nuştbî kitabê bi nameyê ‘Urmiye Mavisi’ de, 1989 de weşanayî.
Yaganî Terteleyê Dêrsimî ser o fîlmanê dokumentan ”Qelema Sure” (2009) û ”Vagono Res” (2011) de nuştoxîya metnî kerde û wextêk zî edîtorîye kerde.
