Serrgêra ronîyayîşê Zarok MAyî bi konserêkî ame fîrazkerdene.
Hetê Ma Musicî ra bi wesîleya serrgêra ronîyayîşê Zarok MAyî konserêk ame serûberkerdene. Konser sehneyê Zarok MAyî de dîya û tede Orkestra Mala Muzîkê û Koma MA vejîyayî sehne ser.
Konser de deyîrê kurmanckî, kirdkî, sorankî û gorankî ameyî vatene û şarî eleqeyêko pîl mojna ci. Şoreş Mehmudîyî bi deyîra Emroyî ya Şakîroyî startê konserî da û konser de deyîrê sey Cêjwan, Şekir Axa, Heydad, Fadikê, Kela Xoyê, Gerdin Helalê ameyî vatene.
Wexto ke konser qedîya şarî bi deqayan çepikî dayî piro. Konserî ra dima nameyê Yewîya Odayanê Mîmar û Muhendisan (TMMOB) ser o Dogan Hatunî vilikî dayî hunermendan.
Konserêko bîn seba eleqeyê zêdeyî ewro zî do sehneyê Zarok MAyî de bêro dayene.
