Roniştişê hîrêyînî yê dewaya çawişê pisporî Musa Orhanî dest pêkerd ke Musa Orhan Êlih de tebaxa 2020î de cinîya bi nameyê Îpeke Er rê tecawuz kerd û dima zî bi sebebê xokiştişê aye.
Îpeke Era 18 serre dima ke çawişê pisporî yê tirkî Musa Orhanî ci rê tecawuz kerd 16ê temmuza 2020î de întîhar kerd û 18ê tebaxe de zî rixmê pêro xîretan dinyaya xo bedilnaye.
Roniştişo 3. yê dewaya çawişê tecawuzkerî Mehkemeya Cezaya Girane ya Sêrtî de pê sûcdarîya ‘hêrişê cînsî’ yeno kerdene.
Keyeyê Îpeke, avûkatê keyeyî, avûkatê baroyanê Amed, Êlih, Sêrt û Komeleya Huqûqnasan a Seba Azadîye (OHD), wekîlê HDPyî Feleknase Uca, Nurane Îmîr û Siddik Taş, aktîvîstê Têgêrayîşê Cinîyan ê Azadan (TJA), endamê Konfederasyonê Sendîkaya Kedkaranê Rayapêroyî (KESK), îdarekarê Partîya Demokratîke ya Şaran (HDP) û Partîya Herêmê Demokratîkî (DBP) roniştişî teqîb kenê.
Musa Orhan û avûkatê ci zî Anqara ra pê SEGBÎSî tewrê roniştişî bîyî.
Mehkemeya tirke nêverda ke rojnamegerî dewa teqîb bikerê. Roniştişê dewa dewam keno. SÊRT
