Parlamentera HDP’ê ya Amedê Semra Guzel ku beriya niha destnedayîna wê hatibû rakirin û hatibû girtin, duh li Lijneya Giştî ya Meclîsê bi dengê parlamenterên AKP, MHP û ÎYÎ Partiyê parlamenteriya wê hat xistin. Ev biryara der barê Guzel de di Rojnameya Fermî de hat weşandin.

Biryar wiha ye: “Parlamentera Amedê Semra Guzel di sala 2022’yan de beyî ku hincetek nîşan bide û destûr bigire 5 jê meha hezîran bi giştî tev li şeş rûniştinên Lijneya Giştî nebûye. Ji ber vê sedemê rapora ku li gorî xala 84’an a Destûra Bingehîn û xala 134’emîn a rêziknameya navxweyî ji bo xistina parlamenteriya wê ji aliyê Komîsyona Têkel ku ji endamên komîsyonên Destûra Bingehîn û Edaletê pêk tê ve hat amadekirin, di 22’yê kanûna 2022’yan de li 43’yemîn runîştina Lijneya Giştî ya Meclîsê hat erêkirin.”