Yewîya Rojnamevananê Almanan waşt ke rojnamevanê kurdî cade vera bidîyê.
Yewîya Rojnamevananê Almanan (DJV) bi eşkerayîyêke hukmatê tirkî ra waşt ke rojnamevanê ke Amed de ameybî destbendkerdene, vera bido. DJVyo ke 30 hezarî endamê ci estê, eşkerayîya xo de vist vîr ke 20 rojnamevanê kurdî hema zî nezaret de yê.
Serekê DJVyî Prof. Dr. Frank Uberallî pare kerd ke nê kerdişê vera rojnamevanan nîşaneya karakterê îqtîdarê AKPyî ya. Uberallî hukmatê tirkî ra waşt ke cade rojnamevanan vera bido.
Hemserekê Komela Rojnamevanan a Dîcle Firatî (DFG) Serdar Altun, Mudirê Karanê Nuşteyî yê Rojnameyê Xwebûnî Mehmet Alî Ertaş, Mudira Jinnewsî Safîye Alagaş, Edîtora Jinnewsî Gulşen Koçuk, Edîtorê Ajansê Mezopotamya (MA) Azîz Oruç û Omer Çelîk zî tede 20ê ci rojnamevanî 21 kesî 8ê hezîrane de amebî destbendkerdene û hema zî nezaret de yê.
