Gerînendeyê Weşanê yê Giştî yê Halk TVyê Suat Toktaş, Midûrê Bernameyan ê Halk TV’yê Kurşad Oguz û Pêşkeşvanê Bernameyan ê Halk TVyê Bariş Pehlîvan, bi hinceta ku hevdîtina bi kesê pispor re parve kirin ku Şaredarê Bajarê Mezin ê Stenbolê Ekrem Îmamoglû navê wî aşkera kiribû, hatibûn binçavkirin. Her sê rojnameger piştî îfadeya li dozgeriyê sewqî dadgehê hatin kirin. Dozgerî xwest her sê kes jî bên girtin. Pehlîvan û Oguz bi şertê kontrola edlî hatin berdan û Toktaş jî hate girtin.
Her wiha Seda Selek û Serhan Asker ku di çarçoveya heman lêpirsînê de hatibûn binçavkirin jî bi şertê kontrola edlî hatibûn berdan.
