Danişîna doza nûçegihana rojnameya Yenî Yaşamê Hatîce Şahîn li Dadgeha Cezayên Giran a 9’emîn a Amedê pêk hat. Şahîn di çarçoveya lêpirsîna têkildarî Kongreya Civaka Demokratîk (KCD), di 18’ê cotmeha 2018’an de hatibû binçavkirin. Pişt re doz lê hatibû vekirin. Şahîn beşdarî danişînê nebû û parêzerê wê Resûl Tamûr amade bû.
Dozger xwest biryara şertê kontrola edlî ya der barê Şahîn de bidome. Dozger xwest li benda mînaka îfadeya Derya Aslan a ji Serdozgeriya Komarê ya Amedê xwestine bimîn in.
Parêzerê Şahîn Resûl Tamûr jî, xwest biryara şertê kontrola edliya ya derbarê Şahîn de bê rakirin û kêmasiyên di dosyayê de bên temam kirin.
Şandeya dadgehê piştî, navberê daxwaza parêzer red kir û danişîn taloqî 26’ê çileya 2022’an kir.
