Rojnameger Evîn Buldane qezaya Geverî ya Colemêrgî de serê mezelê xo de hetê keye û hemrayanê xo ra ameye vîrardene

Rojnameger Evîn Buldana ke 2ê Nîsana 2017î de netîceyê krîzê zerrî de cuya xo vindî kerde, qezaya Geverî ya Colemêrgî de serê mezelê xo de hetê keye û hemrayanê xo ra ameye vîrardene. Merasîmê vîrardişî de endam û rayîrberê Platformê Rojnamegerê Cinî yê Mezopotamya, Komeleya Rojnamegeran ya Dîcle Firat (DGF), Partîya Demokratîke ya Şaran (HDP) ya Geverî, keye, hemra û xeylê hemwelatijî hadre bî.

Merasînê vîradişî bi rêzgirewtişî dest pêkerd û dima ra rayîrberê Komeleya Rojnamegeran ya Dîcle Firatî Zeynel Abîdîn Buluto ke eynî wext de hemrayê Evîne yo zî qisey kerd û wina va: “Evîne semedê şarê kurdzebatanê ercîyayeyan rayîr berd. Ma qet ked û xebatanê aye vîrî nêkenê. Merdimêka mînak bî. evîndara azadîye bî. xeyal û xebatanê xo nîmcet vera da. Ma do têkoşînê hemraya xo dewam bikerî.”

Bulutî ra dima Verfeka Platformê Rojnamegerê Cinî yê Mezopotamya Ayşe Guney qisey kerde û va: “Xebatê ke Evîne kerde hem semedê rojnamegerîya cinî û hem zî semedê kurdîtî muhîm bî. Ma ewro xebatanê ke aye kerde vera asan î.”

Dayîka Evîn Buldane Nesîbe Buldane zî wina va: “Mi Evîne pîl kerde, la exlaqê xo embazanê xo ra girewte. Ganî ê ke mendî wayîrê xeyalanê aye bivejîyî û dewam bikerî.”

Badê qiseykerdişan keye û hemrayê Evîne karanfîl û vilikan ronayî serê mezelê aye û merasîm qedîya. COLEMÊRG