Rojnameger Oktay Candemîr seba ke bi qiseyê ‘krîterê bêgunetîye yeno binpaykerdene’ dîmenê sereştişî rexne kerdî, marûzê tehqîdatî mend.
Rojanê vîyarteyan de Wezîrîya Karanê Zereyî yê Tirkîya dîmenêk pare kerd ke tede aseno ke polîsê tirkî Wan de erzenê keyeyêkî ser û berê keyeyî şiknenê. Rojnameger Oktay Candemîrî rexne kerd ke bi parekerdişê nê dîmenî “krîterê bêgunetîye yeno binpaykerdene.”
Dozgerîya Komare ya Wanî rexneyê Candemîrî ser o tehqîqat da destpêkerdene.
Candemîrî çarçewa tehqîqatî de avûkatê xo Kadîr Kutevîyî reyde qereqol de îfade da. Candemîrî vat ke dîmenî sey rojnameger û merdimêkî o nerehet kerdo û raşt nîyo ke dîmenî hetê Wezîrîya Karanê Zereyî ra bêrê weşanayene.
Îfadedayîşî ra dima Candemîr vera dîya.
