Heme şarê kurdî binê tecrîdî do. Taybetî tecrîd zîndanan de yeno şixolnayîş. Bi şexsê şarê kurdî de Rayverê Şarê Kurdî Abdullah Ocalanî ser o tecrîd yeno şixolnayîş. Nê 25 serrî yo ke, Rayverê Şarê Kurdî binê tecrîdî do û 32 mengî yo ke xebere nîna girotiş. Zîndanan de embazanê hepsîyan ser o heme tewir zilm û zordarî domîyena. Her roja Homayî ke nîya cenazeyê embazanê hepsîyan zîndanan ra vejîyenê. Embazê hepsîyê ke zaf nêweş î nînê derman kerdiş û serbest veranêdîyenê.

Paradîgmaya newe
Faşîzmê AKP û MHPyî şarî rewşa veyşanaye ra terbîye kenê û hetê bînî ra zî şarî rewşa parsekî ra mecbûr kenê. Nê warî de ne şaro kurd ne zî şaro tirk na rewşe ra rehet nîyo. La çi heyfo ke vera faşîzmê AKP û MHPyî ra şar xo tênêdano. Kê vanê qay na rewşe qederê şarî ya. Bi taybetî ganî şaro kurd sereyê xo binê qûmî ra vejo û qaşikê biteqno û biweşno. No tecrîd heyana key? Heme netewbîyayîşê şaran de yew pêxamber, yew mesîh û rayver vejîya yo. Şarê kurdan de zî Rayver Apo vejîya yo. Rayver Apoyî sexsê şarê kurdî de heme mezgê tersîyayîşê qereqolan û zordarî şikit û şaro kurd sernawera ganî bî û milê xo raşt kerd. Rayver Apoyî Rojhelatê Mîyanênî de paradîgmaya newe saz kerde û na paradîgmaya newe de heme şar têmîyanî de ciwîyeno.

Vera tecrîdî çalakîyî
Şarê kurdî vera çeteyanê DAIŞî ra destê camêrdeyî viraştî. Ewro zî şar eşkeno ke rewşa tecrîdî berteraf bikero. Vera tecrîdî ra şaro kurd biney erey mend. Nê warî de fedayîyê şarê kurdî vera tecrîdî ra bedelê giranî û pîrozî dayî. Ewro zî ganî şaro kurd wayîrê nê bedelan bivejîyo û vera tecrîdî ra çalakîyanê neweyan dest pêbikero. Her çiqas heme sazî û dezgehanê kurdan vera tecrîdê Rayver Apoyî ra çalakîya meşa Gemlîkî dest pêkerda. Ganî vera tecrîdî ra çalakîyê tewirî bivirazîyê. Nê warî de eke şar vera tecrîdî ra bi zerrî ra xo verdo, encax tecrîd Rayverê Şarê Kurdî ser ra wedarîyeno. No zî sewbîna tewr mumkun nîyo. Hînê bes o her roje rewşa merdişî ra. Nê warî de ganî verê verikan wekîlê şarê kurdî parlamento de û şarî mîyanî de rayverî bikerê û şarî ra bawerî bibo. Nê warî de her kes her kesî ra yew çî paweno. Ganî werte de yew yewerî ra yew çî nêpawo. No tewr pawitiş bêrêxistinîya sewbîna çî nîyo. Eke rewşa rêxistinî raşt bibo, heme çî raşt beno. Nê warî de ganî yew yewerî nêxapêno. Nê warî de ma bawer kenê ke peynîya çalakîya meşa Gemlîkî bidomîyo û tecrîd berteraf bo.