Enternasyonalîst Argala Ertlo ke 2021 de Madrid ra şîyo Rojawan pare kerd ke Şorişê Rojawanî nimûneyê demokrasîya radîkale yo.

Enternasyonalîst Argala Ertlî ANFyî rê qala Şorişê Rojawanî û hîkayeya xo kerde.

Ertlo ke 33 serre yo û şaristanê Madridî yê Spanya ra yo vat: “Şorişî ra 10 serrî verî fikrê mi de xoserîye û xoîdarekerdiş xurt bîyî. Rojawan nimûneyê demokrasîya radîkale o. Şorişê Rojawanî zaf nêzdîyê mi bî coka mi bar kerd û Rojawan cayê ci de tecrube kerd. Heyf ke şaristanê mi de Madrid de agahîyê serê Rojawanî zaf kêm ê. Têgêrayîşo sîyasî yo ke nêzdîyê şorişî yo anarşîzm o. Sendîkaya Konfederasyonê Karkeran ê Mîyanneteweyî (CNT) de ez xebitîyayêne.”

Argala Ertlî ard ziwan ke Rojawan seba cinîyan û seba xeylêk komeleyanê femînîstan zî referans o û vat: “Rojawan de medenîyet goreyê têduştîya cinî û camêrdan ronîyeno. Kooperatîfan de cinî û camêrdî têduşt ê. Îdeolojîya Serek Apoyî mi rê zaf girîng a û na îdeolojî seba têgêrayîşanê xozaperest û xosergîran zî girîng a. Ocalan seba mi yeno manaya teslîmnêbîyayîşê sîstemê kapîtalîzmî.”