Projeyo ‘2 atolyeyî, 2 kayî’ bi destê Komunê Tîyatroyî yê Rojawanî û Tîyatroyê Çiya yê TEV-ÇANDî ame caardene.
Ciwanê Qamişlo û Dêrikî kom bîyî û reya verêne tîyatro û huner de cagirewt, dersê senaryo û kamera girewtî. Nêzdîyê 50 kesî tewrê atolyeyan bîyî. Dima înan seba serra 45. ya ronîyayîşê PKKyî 2 kayî amade kerdî. Wird kayê ke hetê Tîyatroyê Çiya ra nusîyayê qala tarîxê PKKyî kenê.
Nameyê wird kayan Rastî Dagirkirî û Dara Jiyanê yê. Kayê ‘Rastî Dagirkirî’ qala xoverdayîşê Sêwrege keno ke 1980 de serkêşîya kadroyanê verênan ê PKKyî ra Salih Kendalayî morê xo dabî binê ci.
Kayo diyîn ‘Dara Jiyanê’ zî qala kongreya verêne ya PKKyî ya 1978î keno. Kay de qala ci yena kerdene ke dadîya Îsmetî senî Mazlûm Dogan, Sakîne Cansiz (Sara), Dûran Kalkan (Abbas), Cemîl Bayikî (Cûma) şinasnena û tewra Apogîran bena.
Wird kayî zî hetê Komunê Fîlmanê Rojawanî û Nefel Produksîyonî ra ameyî girewtene û wextêkê nêzdî de platformanê dîjîtalan ser de do bêrê weşanayene.
Kayî qaşo 27ê teşrîna peyêne de biameyêne mojnayene la hêrişanê hewayî yê dewleta tirke û şehadetan ra ameybî taloqkerdene. Wird kayî zî rojanê verê ma de sere de Qamişlo, Dêrik û Rimêlan xeylêk cayan de do bêrê mojnayene.
