Hemserekê Ofîsê Karanê Multecîyan ê Îdareyê Xoserîya Demokratîkî yê Rojawanî Şêxmûs Ehmedî ANFyî rê qisey kerd.

Şêxmûs Ehmedî vist vîrî ke sere de dewleta tirke xeylêk welatî despêkerdişê krîzê Sûrîye ra nata multecîyanê sûrîyeyijan xo sey malzemeyê sîyasîyî vînenî û vat: ”Heme hêzî bi stratejîya plankerdîye nêzdî bîyî. Vera Sûrîye sîyasetêko leymin yeno rayraberdene.

Rojawan de cayanê ke ameyî îşxalkerdene ra multecîyî est ê. Pîya bi înan bi des hezeran multecîyê iraqijî est ê, kampanê Hol û Rojî de manenê. Reyna Hol de hemwelatîyê 57 welatanê Ewropa est ê. Yewna Dêrazor, Reqa û Tebqa de kampê ke multecîyê sûrîyeyijî tede yê est ê. Nê ganî agêrê cayê xo la ganî verî şertî bêrê hazirkerdene, ma nêeşkenê înan bi zorî bişawê. Neteweyê Yewbîyayeyan (NY) 17 kampanê Rojawanî ra têna 5 kampan nas keno, 12 kampî hetkarî ra mehrum yenê verdayene. Seba ke hetkarîyî bi rayîrê Şamî yenê, nêresenê heme multecîyan. Ganî verî berê Til Koçerî bêro akerdene û hetkarîyî tîya ra bêrî. Wa Bruksel barê multecîyanê Rojawanî meşawo waranê bînan. Ganî temsîlkarê NYyî yê herêma ma nê çareser bikerî.

Dewleta tirke bi teyarayanê şerî û droneyanê çekdaran hêrişê Rojawanî kena. No huqûqê mîyanneteweyî binpay keno. Dewleta tirke cayanê îşxalkerdeyan de şaranê bînan ca kena. Xora no têna xoser bedilnayîşo demokrafîk o.”