Bi hezaran kurdistanijî Riha de seba şayîya Newroze ameyî têhet. Girseyî slogananê sey “şar Rayberê xo wazeno, têkoşîn do tecrîdî bişikno” erzenê.
Riha de coşê Newroze ya ke emser bi şîarê “Rabe dema azadî û serkeftinê ye” yeno fîrazkerdene, dewam keno. Şaro ke bi slogananê “Jin, jiyan, azadî” ve “Bîjî berxwedana zindanan” kewt warê Newroze. Şarê ke bi renganê herêmî û neteweyî xo xemilnayo bi muzîkî govende geno.
Parlamenterê Riha Omer Ocalanî vat “wa Birêz Ocalan qal bikero ke verê çareserî bêro akerdene. Şar Rayberê xo wazeno. Çareserî wazeno. No heqîqet o. Şar bi muxatabîya Birêz Ocalanî çareserî wazeno.”
Omer Ocalanî dima ra mektûba Serekê PKKyî Abdullah Ocalanî ya Newroza 2023yî wende.
