“Rêzimana Kurmancî” ku ji hêla her du endamên SZK’yê Ferhad Mûsayî û Viyan Hesenî ve hatiye danîn, nûxurîya weşanên SZK’ê ye û berhema wê ya pêşîn e.
Di pêşgotina berhemê de hatiye nivîsîn: “Ji bo ku pirsgirêkên heyî çareser bibin û arîşeyên zimanî yên perwerdeyê û qadên dîtir safî bibin, pêdiviya Rojavayê ji her demê bêhtir bi standardên rêziman û rastnivîsînê hebû. Loma SZK’yê biryar da ku vê berhema li ber destê we amade bike. ”
Berhema “Rêzimana Kurmancî” ji şeş beşan pêk tê: dengnasî, morfolojî, ristesazî, watanasî, rastnivîsîn û xalbendî.
Saziya Zimanê Kurdî (SZK) ku saziya zimanî ya bilind û biryarder e li Rojavayê Kurdistanê, navenda wê li bajarê Qamişloyê ye û ji 2019’an ve mijûlî xebatên zimannasiyê ye.
