Hunermend Rewşan Çelîker li Navenda Çand û Kongreyê ya Şaredariya Bajarê Mezin a Amedê konserek li dar xist. Konser bi organîzasyona Pera Group hat amadekirin. Ewyana konserê ku hezar û 500 kes lê bi cih dibin, tije bû.
Rewşan Çelîker û ekîba xwe bi performanseke serkeftî derketin ser dikê. Dema Çelîker derket ser dikê temaşevanan kêfxweşiya xwe nîşan da. Çelîker konsera xwe kir du beşan. Piştî beşa pêşîn qediya navber da konserê û bi beşa duyemîn dewam kir. Çelîker stranên ji hev xweştir pêşkêş kirin. Balkêş bû ku bi piranî stranên Çelîkerê stranên folklorîk bûn.
