Êrîşên li ser Heleb, Şehba û deverên din ên Suriyeyê berdewama plana Tirkiyeyê ya Misaki-Millî ye, lewma tevahiya herêmê dike hedef û encamên wê hebin. Rêveberiyê bang li tevahiya gelên herêmê û hêzên navnetewî kir.
Rêveberiya Xweseriya Demokratîk a Herêma Bakûr û Rojhilatê Suriyeyê derbarê êrişên dewleta Tirk û êrîşên çeteyan ên li ser Şehba, Heleb û gelek deverên Suriyeyê de daxuyaniyek da. Daxuyanî li pêşiya avahiya xweseriyê ya li Reqayê dan çapemeniyê. Bi zimanê Kurdî û Erebî daxuyanî dan.
Hevseroka Meclisa Rêveber Evîn Siwêd bi kurdî, bi Erebî jî Hevserokê Meclîsa Rêveber Hisên Osman daxuyanî dan.
Hevseroka Meclisa Rêveber a Bakur û Rojhilatê Sûriyeyê Evîn Swêd anî ziman ku di destpêkê de êrîşên dewleta Tirk û çeteyên wê yên li dijî xaka Sûriyê şermezar dikin û wiha got: “Em berxwedana dîrokî ya gelê me yê li Heleb û Şehbayê silav dikin. Ev êrîşa dewleta Tirk berdewamiya plana ku Tirkiye–DAIŞ tê de têk çûne ye. Armanca wê dagirkirina Sûriyeyê û bidestxistina sînorên Mîsaqi-Millî ye ku dewleta Tirk gelek caran ji bo pêk anîna wê dixebitî. Armanca vê êrîşê dagirkirin û parçekirina Sûriyeyê ye da ku wê bikin navenda terora navneteweyî ye. Armanca êrîşa ku ji Heleb û Hemayê dest pê kir ne tenê herêmek bû, tevahiya Sûriyeyê bû.”
Em Kurd, Ereb, Suryan, Asûr û Tirkmen destê xwe bidin hev
Evîn Swêd bang li hemû gelên li Bakur û Rojhilatê Sûriyeyê kir û wiha axivî: “Divê zanibin ku yek ji armancên vê êrîşê ew e ku hêviyên gelê Sûriyeyê di jiyaneke bi rûmet û azad de binpê bikin û Rêveberiya Xweseriya Demokratîk tune bikin û xakên nû tev li Tirkiyeyê bikin. Ji ber vê yekê jî divê em weke Ereb, Kurd, Suryan, Asûr û Tirkmen li hemberî van êrîşan destê xwe bidin hev û yekîtiya xwe xurt bikin. Em bang li ciwanên xwe dikin ku li derdora QSDê kom bibin. Em qonaxa seferberiya giştî radigihînin û bang li gelê xwe dikin ku her tim amade bin.”
Ev êrîş dê bi xwe re karesetekê bîne
Evîn Swêd di serî de ji saziyên Bakur û Rojhilatê Sûriyeyê xwest ku li ser karê xwe bin û di nava rewşeke hişyariyê de bin û her saziyek weke şaneyeke kirîzê kar bike û wiha bi dawî kir: “Em bang li civaka navneteweyî dikin û dibêjin ku ev êrîş dê bi xwe karesateke mirovî bîne û ev gef dê ne tenê li dijî Sûriyeyê be, lê belê ew DAIŞ`eke nû ye û dê encamên wê yên herêmî û cîhanî hebin.”
