Resame Şîfa Yûsife dîyar kerd ke bi rayîrê viraştişê resiman a hîsanê xo vana û raştîya komelê xo nîşan kena.

Resama ciwane Şîfa Yûsife 11 serrîya xo de dest pê resimî kerd. Şîfa Yûsife ANFyî rê qisey kerd û da zanayene ke bi rayîrê viraştişê resiman a hîsanê xo vana û raştîya komelê xo nîşan kena.

Yûsife pare kerd ke aye dinyaya xo ya hunerî bi firçe û qelema xo afernayê û vat: “Mi 2017 de dest pê resimî kerd. Hêverî mi tena bi qelema sîya resim kerdêne la dima mi dest pê viraştişê resimanê rengînan kerd. Ez nika sinifa 12ine de ya û bi rehetî eşkena resiman viraza. Ez tewra musabeqayanê resiman bîya û nînan de ser kewta. Nika zî ez seba Musabeqaya Cinîyan a ke adare de ya amadekarîye kena ke.

Wexto ke ez pê hesîyaya ke nê hunerî ra hes kena dadî  û babîyê mi zî paştî daye mi. No zî seba mi bî moral. Ez venga pêro cinî û ciwanan dana ke hîsanê xo û raştîya komelê xo bi rayîrê huner û berhemanê xo vejê werte û xo tim aver berê.”