Heqa Abdullah Zeydano ke sey Hemşaredarê Bajarê Pîlî yê Wanî weçînîya ameye xespkerdene.
Komeleya Huqûqnasan a Seba Azadîye (OHD) da pêhesnayene ke Heyetê Weçînayîşî yê Bajarî yê Wanî mazbata daye namzedê AKPyî Abdulahat Arvasî.
Eşkerayîye de ame vîrvistene ke Abdullah Zeydanî Wan de se ra 55 raye girewte û ame vatene ke hukmî bi talîmatê sîyasîyî îradeyê şarî xesp kerd. OHDyî vat ke ganî huqûqnasî û heme rayapêroyîya demokratîke vera na bêhuqûqîye vengê xo berz bikero.
Wan de namzedanê DEM Partî Abdullah Zeydan û Neslihan Şedale se ra 55,48 û namzedê AKPyî Arvasî sera 27, 15 raye girewte.
