Rejîma Îranê, êrîşên xwe yên li dijî kolberên kurd didomîne. Li gorî agahiyên ku ji herêmê hatin wergirtin, hêzên rejîma Îranê li bajarê Banê yê parêzgeha Sine ya rojhilatê Kurdistanê êrîşî kolberê bi navê Muhsîn Ebdulahî (35) ku bavê 4 zarokan e kirine û ew kuştine. Malbatê cenazeyê Ebdulahî ji Nexweşxaneya Selahedînê Eyûbî ya li Baneyê wergirt û veşart.
Rejîma Îranê 18’ê cotmehê de jî li Merîwanê kolberê kurd ê bi navê Ferîd Wetenî Resûl kuştibû. Bi van her du kuştinan re hejmara kolberên kuştî îsal derket 13’an. Her wiha ji serê salê ve hejmara kolberên ku ku di êrîşên rejîma Îranê de birîndar bûne jî derketiye 72’yan.
