Raywanê Azadîye resayî qezaya Kanîreşî ya Çewlîgî.

Roja 7. de baskê Qersî resa qezaya Kanîreşî ya Çewlîgî. Dekewtişê qeza de şarî raywanî pêşwazî kerdî û dima girseyî reyde bi sloganê “Bijî berxwedana İmraliyê” ver bi merkezê qeza rayraşîyayîş kerd.

Rayraşîyayîşî ra dima Parlamenterê DEM Partî Omer Ocalanî qisey kerd û vat: “Ez Mehmet Karasungur, Mazlûm Dogan û Hayrî Durmuşî bi rêzî yad kena ke înan seba azadîye bedel dabî. Tornê înan rêçê înan de şinê. Ma seba azadîya Birêz Abdullah Ocalanî, azadîya welat û şarê xo rayîr ra şinê. Ma wazenê Birêz Ocalan keye û avûkatanê xo bivîno û meseleya kurdan çareser biba. Waştişê ma meşrû û heqdar ê. Ma do seba heqanê xo tim têkoşîn bikerê.”

Dima girse qewexaneyêk de şarî reyde ronişt. Tîya de notanê pêvînayîşî yê Serekê PKKyî Abdullah Ocalanî ra tay pasajî ameyî wendene. Kanîreşî ra dima girse do verê xo bido qezaya Depe ya Xarpêtî.