Raywananê Azadîye Pirdê Ciwananê Şorişgêran o ke bi destê Denîz Gezmîş û embazanê ci virazîya zîyaret kerd.
Baskê Wanî yê Rayraşîyayîşê Azadîye yê Pîlî Geverî ra bi çepik û tîlîlîyan verê xo da merkezê Colemêrgî.
Hemserekê DBPyî Keskîn Bayindir, Hemsereka MED TUHAD-FEDî Emîne Kaya, parlamenteranê DEM Partî girseyî reyde esnafê Geverî selam kerdî.
Raywananê Azadîye bi coş û moralî Pirdê Ciwananê Şorişgêran zîyaret kerd ke pird hetê Denîz Gezmîş û embazanê ci ra 1969 de virazîyabî.
Girse do merkezê Colemêrgî de şarî reyde bêro têhet dima zî do verê xo bido Şirnexî. Wina pawîyeno ke girse siba serê sibayî do bikewo rayîr.
