Desteya Tenduristiyê ya Nexweşxaneya Gazî Yaşargîlê li şûna li ser nexweşiya dil rapor amade bike, li ser tenduristiya ruh Mehmet Emîn Ozkan rapor amade kir û got: “Dikare di girtîgehê de bimîne”.
Girtiyê nexweşê giran Mehmet Emîn Ozkan ê 83 salî 25 sal in girtîye. Ozkan niha li Girtîgeha Amedê ya Tîpa D girtî ye. Di mehekê de Ozkan 7 caran rakirin nexweşxaneyê. Her carê destê Ozkan kelepçe kirin û birin nexweşxaneyê. Rayedaran herî dawî Ozkan ji bo rapora tenduristiyê bi wesayîta rîngê sewqî nexweşxaneyeke Xarpêtê kirin. Bi hêceta ku nexweşxaneya rayedar Amed e, dîsa şandin girtîgehê. Ozkan ê roja ku birin Xarpêtê û dîsa anîn girtîgehê û ew birçî hiştin.
Li gori nûçeya Ajansa Mezopotamya (MA), piştî daxwaza malbat û parêzerên Ozkan, rayedaran ji bo rapora tenduristiyê di 23’ê hezîranê de rakirin Nexweşxaneya Lêkolîn û Perwerdehiyê ya Gazî Yaşargîlê. Lê Desteya Tenduristiyê li gel pirsgirêkên wî yên giran jî tenê tenduristiya ruh nirxandin û rapor amade kirin. Desteya Tenduristiyê li gel rapora beriya niha hat dayîn a ji sedî 87 astengdar e û “nikare di girtîgehê de bimîne” jî li şûna nexweşiya dil, tenduristiya wî ya ruh nirxand. Desteyê di rapora de got “dikare di girtîgehê de bimîne”.
