Serokê Karên Derve yê Rûsyayê Sergey Lavrov der barê civîna rayedarên Afganistanê ya bi cîranê wê re axifî û wiha got: Talukeya herî mezin li pêşberî Afganistanê hebûna DAIŞ û bazirganiya madeyên hişbir e. Lavrov metirsiyên welatê xwe anîn ziman û got ku metirsî ew e ku axa Afganistanê li dijî welatên derdora wê were bikaranîn û bibe bargehek ji komên çete re.
Lavrov da xuyakirin ku digelek mijaran de ew ji rêveberiya Talîbanê razî ye û bi taybetî di warê ewlekariya şandeyên dîplomasî de lê der barê naskirina hikûmeta Talîbanê de jî wiha got: “Niha gelekî zû ye ji bo naskirina hikûmeta Talîbanê.”
Lavrov di axaftina xwe de bang li rayedarên Talîbanê kir ku nehêlin welatê wan bibe cihê gef û êrîşên li dijî welklatên cîranê wê.
Lavrov got ku cihê mixabîniyê ye ku DYA’yê tevli vê civînê nebûye û wiha berdewam kir: Cihê mixabîniyê ye ku nûnerê DYA’yê tevli vê civînê nebûye lê dibe ku ew yek ji ber istîfaya nûnerê wan ê Afganistanê Zelmayî Xelîlzade pêk hatibe.
