Newroza Amedî  bi hezaran ra herikîyayî qada newroze.Newroza Amedî bi tewrbîyayîşê  bi se hezaran coşê pîlî amey fîrazkerdiş. Şarê kurd reyna wayîrê Rayverê PKK Abdullah Ocalanî vejîya û azadîya ci ya fîzîkî waşte. Pîrozkerdişê Newroza  Rayberîya Azad Komelo Demokratîk yê Amedî de sînevîzyon ame nîşandayîş.

Tewrbîyîşê Newroza amedî de  derheqê pirosesî de û newrozî de endamê meslîsa komela 78 de Şêxmus Duku rojnameyê marê qiseyî kerdî.  Şêxmus Duku seba prosesê newî ra vîna vat: “Seba ke,  Rayberê PKK Abdullah Ocalan 27ê sibatî vengdayîş da û nê vengdayîş heme cayan ra gulbang da û hemazî rewşa nê gulbangî dewam  keno. Labelê Hetê dewlete ra û hikumatê AKP û MHP hema zî  yew game nêvista û nameyê nê pêvajoyî zî dîyar nêkerdo. Dewlete nê warî de qet samîmî nîya. Vanê ‘wa PKK çekan verado û teslîm bibo’, nê qala xo hewayê vîncî her wext fekê xo de cawenê.”

Bahçelî tewş- tewş qalî keno

Şêmusî ana arde ziwan  Vat “No vatiş, vatiş o xirabo, qet karê aqilî nîyo. La PKK senî çekan rono, rewşa asayî çinya. Sakî nê warî de henekanê xo kenê şarê kurd ra. Bahçelî ancî zî tewş-tewş qalî keno û vano ‘Wa PKK Malazgîrte kom bibo kongreyê xo virazo û çekanê xo rono û teslîm  bibo.’ Nê vatîşanê xiraban qet yew qebûl nêkeno. Wa Bahçelî aqilê xo bigêro sereyê xo û pê aqilê kurdan kayî nêker o. Viraştişê kongreyî Malazgîrte kom bibo, no tewr dîrokî de girêdayeyê sultaneya xo kenê.”

Wa qanûnê bingeyî newera bêrê bedilnayene

Şehmus Duku vatena xo vîna qedênê. “Eke dewlete samimîya se, wa verê verkan qanûnê bingeyî   newera raşt biker o û heqê hiqûqê  kurdan bisirasno. Verên ra wa, hepsîyê ke nêweşê û wa înan serbest verado. Tecrît hema zî domîyeno û wa tecrîdî wedarno û wa rayîrê aştî azadî biaker o. Ewro şarê kurd, ancî hewayê wextî tarîxê destanî nuştî û wayîrê Rayverê xo vejîyay. Bawerîya mi esta ke, Newroza  Azadîya Amedî  bena wesîleyê aştî û demokrasî.