Qoricîyê ke Geverî ra do tewrê hêrişanê îşxalî yê neweyan bibê ameyî dîyarkerdene.

Îqtîdarê AKP-MHPyî seba hêrişanê îşxalî yê neweyan ê vera Herêmanê Pawitişî yê Medya xebatanê xo yê dîplomatîk û leşkerîyan rê dewam keno. Na çarçewe de qoricîyê ke do tewrê hêrişanê îşxalî bibê dîyar bîyî.

Dewleta tirke bêmabên hêzanê îşxalî şawena waranê gerîlayan. Verê cû zî PDKyî binê nameyê Yewinanê Pawitişê Sînorî de hêzê xo waranê gerîlayan de cakerdbî. Yeno vatene ke hêzanê Zerevanî û Gulane yê PDKyî binê nameyê Yewinanê Pawitişê Sînorî de Sîde û Şêladizê de 15 qereqolî awan kerdî.

Dewleta tirke narey zî qoricîyan vera Têgêrayîşê Azadîye şaweno herême. Bi seyan qoricîyî qezaya Geverî ya Colemêrgî ra do bierşawîyê herêmanê gerîlayan. ANFyî xo resna lîsteya nameyanê nê qoricîyan.

Lîste de name û peynameyê qoricîyan est ê ke Fermandarîya Tugayê Sînorî û Tugayê Komandoyan de ameyê wezîfedarkerdene.