Hemserekê Şubeyê Egîtîm Senî yê Wanî Murat Atabeyî dîyar kerd ke domanê kurdan raştê asîmîlasyonî yenê û wina qisey kerd: “Ganî kurdkî bigêrîyo binê asayîşê qanûnê bingeyênî. Semedê nê gama verêne zî perwerdeyê kurdkî yo.”
Hemserekê Şubeyê Egîtîm Senî yê Wanî Murat Atabeyî vat termînê perwerde-musayîşî yê 2022-2023yî de qicanê kurdan çarçewa polîtîkaya asîmîlasyonî de dest pê mektebî kerd.
Murat Atabeyo ke ANFyî rê derheqê muhîmîya perwerdeyê kurdkî de qisey kerd, nê vatî: “Ma bi serran o vanê ke problemo tewr pîl oyo ke qicê kurdan nêeşkenê ziwanê xo yê dayîke de perwerde bivînê. Her termînê perwerde-musayîşî de no problem reyna vejîyeno werte. Qicê kurdan raştê asîmîlasyonî yenê. Seba ke qicê kurdan kurdkî perwerde nêvînenê hem dersanê xo de peyde manenê hem zî semedê averşîyayîşê înan zî problemêko gird o. Qicê kurdan pê yewna ziwanî dest pê perwerdeyî kenê ke na rewşe travmaya psîkolojîkî dana ciwîyayene. Qicî xo de kêmayîye vînenê û coka nêeşkenê gamanê pêtan bierzê. Çîyo ke ganî bêro kerdene zaf zelal o. Ganî kurdkî bigêrîyo binê asayîşê qanûnê bingeyênî. Semedê nê gama verêne zî perwerdeyê kurdkî yo. Ganî qicê kurdan ziwanê xo kurdkî de perwerde bivînê. Problemanê ma yê tewr girdan ra yew no yo.’’
