Bi hezaran welatiyên ku di navde Hevserokên DBP’ê û hevşaredar jî hene bi dirûşmeya “Qeyûm talan e, berxwedan jiyan e” û “Batman dimeşe, erd diheje” dimeşin.
Heyeta ku di navde Hevserokên DBP’ê Çîgdem Kiliçgun Uçar, Keskin Bayindir û Hevşaredarên Bajarê Mezin ên Amed û Wanê jî hene, xwestin biçin Êlihê. Lê leşkeran li pêş Qereqola Sinan a ser rêya Êlihê rê li pêş heyetê girt û destûr neda ku heyet biçe Êlihê. Li ser vê yekê siyasetmedar û hilbijêran li dijî astengiya cendermeyan li ser rê dest bi çalakiya rûniştinê kirin. Piştî çalakiyê girseyê dest bi meşê kir û astengiya leşkeran şikad. Girseya ku li Parka Ataturk a ÊLihê kom bû ji wir dest bi meşê kirin. Girse bi dirûşmeyên “Bijî berxwedana zindanan”, “Êlih ranezê li vîna xwe xwedî derkeve”, “Jin Jiyan Azadî”, “Qeyûm talan e, berhxwedan jiyan e” “Em ê bi berxwedanê bi ser bikevin” û “Bijî berxwedana Êlihê” berz dikin û dimeşin Parka Gulistanê.
Meşa ku dinavde Hevserokên DBP’ê, Hevşaredarên Amed û Wanê jî hene bi dirûşme çepikan meşa xwe berdewam dikin.
