Eşkerayîyê Sersefîrê Iraqî yê Tirkîya Alî Riza Guneyî mojnenê ke akademîsyene û rojnamegere Nagîhan Akarsele bi destê Tirkîya ameye qetilkerdene.

Serekê Herêma Kurdistanî Mesrûr Barzanî vizêr Sersefîrê Iraqî yê Tirkîya Alî Riza Guneyî de ronişt. Pêvînayîşî ra dima Guneyî qiseykerdişê akerdeyî de Hewlêr de persê serê Endama Merkezê Cigêrayîşî yê Jineolojî Nagîhan Akarsele ser o qebul kerd ke înan a qetil kerda.

Guneyî wina vat: “Derheqê babeta têkoşînê vera hemkaranê PKKyî de mi hêvîya xo vate. Ma û Iraq sey di dewletanê serdestan têkilîyanê xo seba pakîkerdişê rêxistinanê terorî şuxilnenê. PKK û terefgîrê PKKyî hedefê ma de yê.”