Çewlîg de 3 kesî pê şîdetî ameybî destbendkerdene. Nînan ra Azad Gurdegîrî pare kerd ke nêweşxane de polîsan nêverda ke o raporê derbe bigêro.
Dewa Madragî ya Çewlîgî de polîsan eştbî keyeyanê Ahmet Gurdegîr (34), Hatun Gurdegîr (65) û Ertan Gurdegîrî ser. Sereştiş de Ahmet Gurdegîr, Bermak Gurdegîr û Azad Gurdegîr ameyî destbendkerdene û semedê raporê weşîye ameyî berdene bi Nêweşxaneyê Dewlete yê Çewlîgî.
Kênaya Hatun Gurdegîr, Ayfer Gurdegîr pare kerd ke sereştiş de polîsan Azad Gurdegîr derbe kerd û sereyê ey şikit. Ayfer Gurdegîre wina vat: ”Semedê raporê weşîye ê ameyî berdene bi Nêweşxaneyê Dewlete yê Çewlîgî. La polîsan nêverda ke raporê derbe bidîyo Azadî.”
Ayfer Gurdegîre îfade kerd polîsan sereştiş de heqaretî kerdî, nêngî çînayî û înan gerreyê polîsan kerdo.
3 destbendkerdeyî zî Mudirîya Asayîşî ya Çewlîgî de tepişîyenê. ÇEWLÎG
