Polîsanê tirkan pê vateyê ‘Ma do ney to rê nêverdê’ babîyê Denîz Poyraze rê gef wend ke bînaya HDPyî de amebî qetilkerdene.
17ê hezîrane de bînaya Partîya Demokratîke ya Şaran (HDP) ya Îzmîrî de amebî qetilkerdene û cenazaya ci rojêke dima amebî definkerdene. Qiseykerdişanê merasîmê cenaza û sloganan ra dima polîsanê tirkan keyeyê Poyrazî rê gef wend.
Goreyê xebera Ajansê Mezopotamya merdimêkê keyeyê Poyrazî yo ke nêwaşt nameyê xo eşkera bikera vat: ”Camîyê Kadîfekale de wextê nimajê cenaza de polîsan ra yewî ame hetê mi û vat ‘Şima şaşîye kerde. Abdullah Poyrazî eşkerayîya xo de propagandaya PKKyî kerda. Ma do ney hetê şima de nêverdê.”
La heman polîsan kiştoxê Denîze Onur Gencerî rê vatêne ‘Nameyê to çi yo birayê mi?’ ganî bêro vîrvistine ke Gencer mîyanê çeteyanê dewleta tirke yê Sûrîye de ca girewtbi. ÎZMÎR
