Partîya Çep a Keske Kadikoy de standêk akerd û afîşo “Pîyazo ke kîloyê ci 30 lîra yo, qetî raya xo medê ci” xeylê balkêş o.
Stenbol de xebatê weçînayîşî yê Partîya Çep a Keske dewam kenê. Standê Kadikoyî yê Partîya Çep a Keske de tewr zaf afîşê “Pîyazo ke kîloyê ci 30 lîra yo, qetî raya xo medê ci” bala şarî anceno. Şaro ke mîyanê krîzê ekonomîkî de yo zaf bala xo dano afîşî.
Wezîfedarê standî zî eşkera kenê ke ciwanî zî zaf eleqe mojnenê înan.
Kadikoy de hema zî hetê zerrîwazan ra kêmîye est a. Partîya Çep a Keske seba zerrîwazan tim veng dana. Partîye her roje Beşîktaş de saete 15.00-18.00 de standî akena û gêrena zerrîwazan.
Standê Kadikoyî de rêxistinê ekolojî zî îmzayan arê danê. Partîya Çep a Keske seba destekê înan foyê îmzayan da înan. Kampanya de bale yena ancena qirkerdişê xoza ser.
