Hemserekê HDPyî Mîthat Sancarî îfade kerd ke peynîya îqtîdarê AKP-MHPyî yena û wina qisey kerd: “Seba akerdişê vernîya Rayîrê Hîrêyinî ma do nê îqtîdarî bişirawê û seba bedilîyayîşê na pergale yewîya girde ronê.”

Sancarî qiseykerdişê xo de wina vat: “Embazê qedrberzî êdî tay mend. Seba rijîyayîşê îqtîdarê AKP-MHPyî yo ke vera şarî xizanîye ferz keno rê êdî tay mend. Semedê şîyayîşê rojanê rindekanê ke tede kes o ke vêşan nêkeweno ra, bereket o ke yeno sifreyan, her merdim o ke mîyanê weşhalîye, aramîye û bawerîye de ciwîyeno tay mend. Ma arîfeyê vurîyayîşêkê girdî de yê. Saltenetê AKP-MHPyî xerza menfaet û palkursîyê xo çîyêkê bînî nêfikrîyeno û şarî bi krîzê ekonomîkî, rijîyayîşê erdlerzî û xirbeyan rîbirî veradano.”