Piştî ku dadgeha Federal a Iraqê serlêdana namzetê PDK’ê yê serokkomariyê Hoşyar Zêbarî red kir, PDK’ê li şûna wî Wezîrê Karê Hundir ê başûrê Kurdistanê Rêber Ahmed Berzanî kir namzetê xwe yê serokkomariyê.
Hêjayî gotinê ye ku dadgehê Federal a Iraqê di civîna xwe ya 13-02-2022’an de namzetiya Hoşyar Zêbarî red kiribû.
Li gorî qanûna Iraqê piştî hilbijartinan divê di nava 30 rojan serokomar hatibûya destnîşankirin lê ji ber redkirina namzetiya Hoşiyar Zêbarî ew yek pêk nehat.
Her wiha li gorî biryara dadgehê divê di civîna parlamentoyê ku hejmara parlementerên wê 329 parlamenter e de ji 3’yan yek tev li civînê bibin û divê ji wan jî ji sisiyan didu navê namzet erê bikin.
Wekî tê zanîn posta serokkomariyê ji para kurda ye, namzetê YNK’ê serokê berê yê Iraqê Berhem Salih e, her wiha namzetê Tevgera Nifşê Nû Rêbiwar Osman e.
