Komek rojnamevan, hîndekar, aktîvîst û parêzerên Kurd ji bo serbestberdana edîtorê Rojnewsê Silêman Ehmed ê ku 74 rojin ji aliyê PDK’ê ve hatiye revandin û agahî jê nayê girtin, daxuyaniyek dan.
Di daxuyaniyê de diyar kirin ku serlêdanên parêzerên Silêman Ehmed ên ji bo muwekîlê xwe re hevdîtinê bike bêbersiv hatine hiştin û wiha gotin: “Em rojnamevan, hîndekar, aktîvîst, parêzer û alîgirên azadiyê difikirin ku sûcên li Silêman Ehmed tên kirin, dubarekirina senaryoya ku li dijî rojnameger Şêrwan Şêrwanî hatiye çêkirine.”
Daxuyaniya ji bo Silêman Ehmed hat dayîn wiha ye:
“Ji edîtorê Rojnewsê Silêman Ehmed ê ku ji aliyê Asayîşa Giştî ya Dihokê ve hatiye binçavkirin, zêdeyî 2 meh in tu agahî jê nayê girtin.
Liser bangên ji bo Silêman Ehmed hatin kirin bê bersiv hatine hiştin û gelek serlêdanên parêzeran ên hevdîtinê jî bê encam mane.
Parêzerên wî heta niha nekarîne derbarê Silêman Ehmed de agahiyê bi dest bixin û ne jî xwe bigihînin dosyaya ku wekî hinceta binçavkirina wî hatiye bikaranîn.
Em rojnameger, hîndekar, aktîvîst, hiqûqnas û alîgirên azadiyê difikirin ku sûcên ku Silêman Ehmed pê re rû bi rû ne, dubarekirina senaryoya li dijî rojnamevan Şêrwan Şêrwanî ye.
Silêman Ehmed ji ber sûcên bêbingeh û nehiqûqî tê xwestin ku bê cezakirin.
Erka hemû sazî û kesên ku di qada neteweyî û navneteweyî de piştgiriya azadiyê dikin, bi taybetî rojnamevanan, li dijî van cezayên neqanûnî yên ku ji aliyê hikûmetê ve hatine pêşxistin, rawestin. Ev kiryarên neqanûnî pêşeroja herêma Kurdistanê ber bi pêvajoyeke tarî ve dibe.
Silêman Ehmed bêguneh e!
Silêman Ehmed ji ber ku rojnamevan bû hat revandin û hat binçavkirin. Ji ewlekariya jiyana Silêman Ehmed Asayîşa Giştî ya Dihokê û hikûmeta Herêma Kurdistanê berpirsyar in.
“Divê demildest Silêman Ehmed bê berdan.”
Îmzekar:
Afat Baz, Ahmet Pelda, Ahmet Yucedag, Alî Guler, Alî Halîloglu, Alî Şînoyî, Amed Dîcle, Arîn Rojhilat, Arnesto Îbo, Arzu Demîr, Aslan Aslan, Bariş Boyraz, Barzan Şasûwar, Bedran Dere, Berîvan Emînoglu, Berîvan Mihemed, Berîvan Tintaş, Bîlal Dersim, Bozo Gundî, Cahît Mervan, Cano Hasan, Cîhan Ozgur, Cûdî Khello, Çiya Mistafa, Denîz Babîr, Denîz Îke, Devrîm Gunduz, Dijle Awaz, Diljîn Dînç, Dogan Bariş Abbasoglû, Ejder Şêxo, Emrullah Boztaş, Erdal Er, Erdogan Surgeç, Erdogan Zamûr, Êrîş Qoser, Farûk Sakik, Fatma Gulçîçek, Fehîm Işik, Fenya Îgrek, Ferhat Çelîk, Fîraz Baran, Geşbûn Kara, Gulan Akrawî, Guneş Erzurumluoğlu, Hakan Turkmen, Hamdîn Bayat, Handren Hawramî, Hasîb Yildiz, Hatîce Çoban, Hayri Kiziler, Hesen Qazî, Heval Arslan, Huseyîn Dag, Îsa Bûlût, Îsmet Kayhan, Îzzet Akcin, Kamer Soylemez, Karzan Elî Osman, Kendal Cûdî, Kendal Mîdyad Urun, Latif Paşahan, Lokman Coşkûn, Loqman Guldivê, Mahir, Mazlûm Dîkmen, Meltem Oktay, Mervan Dundar, Metîn Yildirim, Muhammet Kaya, Nadiye Gurbuz, Nazli Dûman, Necatî Abay, Nesrîn Ergîn, Nurdogan Aydogan, Nurî Akman, Ozgur Pazarcik, Ramazan Olçen, Ridvan Doner, Ridvan Yagizay, Riza Barût, Rêşad Sorgul, Ronî Eylem, Sabahattîn Gultekîn, Salih Hajî, Saman Neqşbendî, Sefkan Kobanê, Selah Xidir, Selahattîn Işildak, Selman Aslan, Sercan Aydin, Serkan Demîrel, Seval Balci, Silêman Çeleb, Sozdar Dersim, Sûna Tûnç, Tahir Kara, Tugba Hezer, Xeyrî Çelîk, Yusuf Cebe, Zêdan Şaqûlî, Zerdeşt Elî
