Di demeke ku êrîşên Tirkiyeyê yên dagirkirina Başûrê Kurdistanê didomin de, PDK’ê jî di ser Amediyê re hêzeke mezin ber bi qadên gerîla ve şand. Dîmenê vê liv û tevgerê hate kişandin.
PDK’ê 2’ê Tebaxê de hêzeke xwe ya mezin destpêkê şand navçeya Amediyê ya Başûrê Kurdistanê û ji wir jî ber bi qadên gerîla ve şand.Di dîmenan de hate dîtin ku hêzên PDK’ê li çiyê bi kepçeyan rêyên nû çêdike û ji cihê ku bendava Zapê lê ye ber bi bi qadên gerîla ve diçe. Li gorî agahiyan, PDK bi taybetî hewl dide li Geliyê Reşawa, Gera Çelka û Mêrgê bi cih bibe û nuqteyên nû ava bike. Hate ragihandin ku ev liv û tevgera hêzên PDK’ê ya ber bi qadên gerîla ve ji bo temamkirina wê dorpêçê ye ku artêşa tirk dixwaze li Zapê pêk bîne.
