PDKyî çira Aştî Koçer sey Berpirsîyarê Ofîsê Rêxistinbîyayîşî yê 17. wezîfedar kerd û bi bahaneya weçînayîşî waşt bi hêzanê çekdaran debikewo Şingal?
Xîretê dekewtişê Şingalî yê PDKyî ra dima nameyê Aştî Koçerî reyna eşnawîya. PDKyî dima ke Qadir Qaçax wezîfeyê berpirsîyarîya Ofîsê 17. ra girewt Aştî Koçer herinda ci de wezîfedar kerd. Aştî Koçer verî pê hêzanê çekdaran bi bahaneyan propagandaya weçînayîşî kewt Şingal.
PDKyî 2ê teşrîna verêne de waşt debikewo Şingal. La şarî destûr nêda ney û dest pê çalakîya roniştişî kerd. Meclîsê Xoserîya Demokratîke ya Şingalî zî eşkerayîya xo de vat rayîrî wa bêrê qefilnayene.
Şarê Şingalî bi taybetî bale ante Aştî Koçerî ser. Aştî Koçer 5ê temmuze de hetê PDKyî ra sey berpirsîyarê Ofîsê 17. ame wezîfedarkerdene. No kes wayîrê tarîxêkê tarî yo. Destê ci de gonîya bi desan kesan esta.
Nuştox feysel Daxîlîyî kitabê xo yê bi nameyê ‘Birakûjî’ de wina vato: ‘Aştî Koçer û Yunus Pîdawî cerg û eşkîya yê. Çew nêzaneno destê înan de gonîya çend kesan esta. Fazil Mîranî semedê îstîxbaratê Tirkîya xebitîyeno. Aştî Koçer zî mîyanê cerganê Mîranîyî de ca gêno.”
Gelo çira PDK nika gonîwerê sey Aştî Koçerî şaweno Şingalî?
Koçerî 28ê êlula 2021î de bernameyêk de qala weçînayîşî kerde û pare kerd ke ê nêeşkenê nika şorê Şingalî, çunke Şingal asayî nîyo.
Balkêş o nê vateyan ra 3 rojan dima Aştî Koçer pê hêzê çekdarî yê PDKyî û Iraqî şîyo Şingal. Eşkera yo ke no kes bi sereyê xo ney bi xîret û tedayanê dewleta tirke têgêreno. ŞINGAL
