7 partîyanê kurdan ke morê xo dayo binê belgeyê helwestê hempare yê derheqê protestoyanê Îranî de, seba tewrbîyayîşê xurtê yê vengdayîşê grevê pêroyî şarî rê spas kerd.
Eşkerayîya hempare de ame dayene zanayene ke şarî cewabêko xurt dayo vengdayîşê grevê pêroyî û ame vatene: “Bi grevan û nîşanê şermezarkerdene yê ke dewam kenê, hêzanê zordaran û rejîmê îqtîdarî rê peyamêko sîyasîyo xurt ame dayene.”
Eşkerayîye de ame destnîşankerdene ke têgêrayîşê “Jin, Jîyan, Azadî – Cinî, Cuye, Azadî” dewam keno û mîyanê xorînîya komelî de ruh veradayo.
Partîyanê sîyasîyan ê Rojhelatî dîyar kerd ke şarê Kurdîstanî vera polîtîkayanê tepiştene, tehdîd û zextî de qerardarîya xo dewam keno, şar û partîyê sîyasîyî mîyanê yewîye û paştdayîşî de têkoşînê azadîye vîyarnayo qonaxêka newîye.
