Partîya Çep a Keske beyannameyê weçînayîşî eşkera kerd û startê xebatanê weçînayîşî da.

Partîya Çep a Keske Anqara de otêlêke de beyannameyê weçînayîşî eşkera kerd. Sloganê weçînayîşî yê partî wina yê: “Ma tîya de yê, ma do pîya bibedilnê” û “Dîsa em (Reyna ma)”. Salona aktîvîte de ziwananê kurdî û tirkî de nê pankartî ameyî kiriştene: “Ma tîya de yê, ma do bi ciwanan bibedilnê”, “Dîsa em, dîsa serkeftin”, “Ma tîya de yê, ma do bi kedkaran bibedilnê”, “Seba awankerdişî, reyna ma”.

Sîyasetmedarê sey Çîgdem Kiliçgun Uçare, Îbrahîm Akin, Pervîn Buldane, Mîthat Sancar, Ahmet Turk, Sirri Sakik, Salîha Aydenîze, Keskîn Bayindir, Erkan Baş, Ercument Akdenîz, Berdan Ozturk, Perîhan Koca tewrê aktîvîte bîyî.

Beyanname de seba cinîyan, domanan, kedkaran û kêmneteweyîyan xeylê wadê balkêşî estê.