Qezaya Beşiktaşî ya Stenbolî de şar Partîya Çep a Keske rê eleqeyê girdî mojneno.

Mutlu Ozturko ke mîyanê xebatanê Partîya Çep a Keske de ca gêno ard ziwan ke şar eleqe mojneno standê înan û vat: “Beşiktaş de her hetê Tirkîya ra şar est o. Tîya bitaybetî cinî û ciwanî paştî danê Partîya Çep a Keske.”

Hemserekê HDPyî yê Beşiktaşî Orhan Ozgunerî zî vat: “Beşiktaş de nizdê 200 hezar vîjnoyoxî est ê.  Ma sey partîya diyîne yê. Goreyê anketan reyê ma zêdîyayî. Hedefê ma na rey se ra 30 o. Bitaybetî ciwanî zaf eleqedar ê. Ma Beşiktaş de senî ke semedê Partîya Çep a Keske  gurîyenê, semedê Kiliçdarogluyî zî wina reye wazenê.”