Partiya Demokratîk a Gelan (HDP), ji bo tecrîda li ser Rêberê PKK’ê Abdullah Ocalan bê rakirin û tavilê hevdîtin pê re bê kirin, di 21’ê kanûnê de li ber Wezareta Edaletê dest bi çalakiyê kir. Çalakî bi dorvegerî pêk tê û di roja duyemîn de parlamenterên HDP’ê Feleknas Ûca, Gulîstan Kiliç Koçyîgît, Serpîl Kemalbay, Dîlan Dîrayet Taşdemîr, Nûran Îmîr, Abdûllah Koç, Şevîn Coşkûn û Erdal Aydemîr tevlî çalakiyê bûn.
Parlamenteran dowîzên bi nivîsa “Bila hiqûq li Îmraliyê bi cih bê anîn”, “Tecrîd sûcê li dijî mirovahiyê ye”, “Bes e ji şer û tecrîdê re” û “Bila parêzer biçin Îmraliyê” hildan. Çalakiya li pêşiya Wezareta Edaletê wê bêdem û bi dorveger dewam bike. Parlamenter wê her roj di saetên diyarkirî de li ber wezaretê bin.
